ကမ္ဘာကြီးပူနွေးလာမှု၊ ရာသီဥတု အပြောင်းအလဲနှင့် သဘာဝပတ်ဝန်းကျင်ထိန်းသိမ်းရေး
(Global Warming, Climate Change & Environmental Management)

        ကမ္ဘာကြီးပူနွေးလာမှု  (Global Warming)  ပြဿနာကို ယနေ့လူသားတိုင်း ကြုံတွေ့နေကြရပြီဖြစ်သည်။ အိုဇုန်းလွှာ ပေါက်ခြင်း၊ ဖန်လုံအိမ်ဓာတ်ငွေ့ (Green House Gas) ထုတ်လွှတ်မှုမြင့်မားလာခြင်း၊ ရုပ်ကြွင်းလောင်စာများ အလွန်အကျွံထုတ်လုပ်သုံးစွဲခြင်း၊ လောင်စာဆီသုံးစက်မှုယာဉ်များ များစွာအသုံးပြုခြင်း၊ စက်မှုလုပ်ငန်းများ တိုးတက်လာခြင်း၊ သစ်တောများအလွန်အကျွံခုတ်ထွင်ခြင်း၊ ရေသယံဇာတ၊ မြေသယံဇာတများယိုယွင်းပျက်စီးလာခြင်း နှင့် စွမ်းအင်များ အလွန်အကျွံအသုံးပြုခြင်းများကြောင့် ကမ္ဘာကြီးပူနွေးလာခြင်းဖြစ်သည်။ ကမ္ဘာကြီးပူနွေးလာမှု၏ နောက်ဆက်တွဲများ အဖြစ် ကမ္ဘာတစ်ဝန်းတွင် အပူအအေးလွန်ကဲခြင်း၊ မိုးခေါင်ရေရှားခြင်း၊ ရေလွှမ်းမိုးခြင်း၊ မုန်တိုင်းများ၊ လေဆင်နှာမောင်း များဖြစ်ပေါ်ခြင်း၊ မြေငလျှင်များလှုပ်ခြင်းစသော ရာသီဥတုပြောင်းလဲမှုဒဏ်များကို လူသားတို့ ခံစားနေကြရသည်။
        ကမ္ဘာကြီးပူနွေးလာမှု(Global Warming) ရာသီဥတုပြောင်းလဲမှု (Climate Change) များ၏အဓိကအကြောင်းအရင်းတစ်ခုဖြစ်သည့် ဖန်လုံအိမ်ဓာတ်ငွေ့(Green House Gas) လျော့ချရေးအတွက် ဂျပန်နိုင်ငံ၊ ကျိုတိုမြို့တွင် ၁၉၉၇ ခုနှစ်က ကျိုတို သဘောတူညီချက်( Kyoto Protocol  ) ကို ကမ္ဘာနိုင်ငံ အများစုပေါင်း၍ ပြဋ္ဌာန်းခဲ့ကြသည်။ ၂၀၀၅ခုနှစ်၊ သြဂုတ်လ (၁၃) ရက်နေ့တွင် ကျိုတိုသဘောတူညီချက် အရ ဖွံ့ဖြိုးပြီးနိုင်ငံ ၂၆ နိုင်ငံ နှင့် စီးပွားရေးအသွင်ကူးပြောင်းဆဲနိုင်ငံ (Countries with Economics in Transistion-EITS) ၁၃ နိုင်ငံသည် ၄င်းတို့ထုတ် လွှတ်ခဲ့သော ဖန်လုံအိမ်ဓာတ်ငွေ့ ပမာဏ၏ ၅.၂ ရာခိုင်နှုန်းကို ၂၀၀၈ ခုနှစ်မှ ၂၀၁၂ ခုနှစ် အတွင်း လျော့ချကြရန် သဘောတူညီခဲ့ကြသော်လည်း ကျေနပ်ဖွယ်ရာ အောင်မြင်မှုမရသေးကြောင်း ကိုပေဟေဂင် ညီလာခံကသက်သေ ပြုနေသည်။
        ဒိန်းမတ်နိုင်ငံ ကိုပေဟေဂင်မြို့တွင် ကျင်းပခဲ့သော ရာသီဥတုပြောင်းလဲမှုဆိုင်ရာ ထိပ်သီးဆွေးနွေးပွဲ  တွင် အမေရိကန်သမ္မတ အိုဘားမား၊ တရုတ်ဝန်ကြီးချုပ် ၀န်ကျားပေါင်၊ ဘရာဇီး၊ အိန္ဒိယနှင့် တောင်အာဖရိကနိုင်ငံများ အပါအ၀င် ကမ္ဘာနိုင်ငံအသီးသီးမှ ထိပ်တန်းခေါင်းဆောင် (၁၁၅) ဦးသည် (၁၂) ရက်အကြာ တနေကုန် ဆွေးနွေးမှု များ ပြုလုပ်ခဲ့ကြသော်လည်း စိတ်ကျေနပ်ဖွယ် အဖြေတစ်ခု မရရှိခဲ့ကြောင်း သတင်းများအရ သိရှိရသည်။ ရာသီဥတု ပြောင်းလဲမှုပြဿနာသည် လူသားအားလုံးနှင့် သက်ဆိုင်သောကြောင့် ဖွံ့ဖြိုးပြီးနိုင်ငံများမှ ဖန်လုံအိမ်ဓာတ်ငွေ့ ထုတ်လွှတ်မှု၊ သဘာဝပတ်ဝန်းကျင်ကို ပျက်စီးစေနိုင်သော စက်မှုလုပ်ငန်းများ တိုးချဲ့ဆောင်ရွက်မှုများကို အတတ်နိုင်ဆုံး လျှော့ချကြရမည်ဖြစ်သလို ဖွံ့ဖြိုးဆဲနိုင်ငံများနှင့် မဖွံ့ဖြိုးသောနိုင်ငံများမှလည်း သက်ဆိုင်ရာကဏ္ဍအလိုက် အားလုံးပါဝင် ဆောင်ရွက်ကြရန် လိုအပ်ပါသည်။
        ရာသီဥတုပြောင်းလဲလာမှုများ၏ အကျိုးဆက်ကို မြန်မာနိုင်ငံတွင်လည်း သက်ရောက်မှုရှိနေပြီ ဖြစ်သည်။ မြန်မာနိုင်ငံ၏ ဖန်လုံအိမ်ဓာတ်ငွေ့ထုတ်လွှတ်မှုနှင့် စုတ်ယူမှုအခြေအနေကို ၁၉၉၅ ခုနှစ်မှ အစပြု၍ အမျိုးသားပတ်ဝန်းကျင်ထိန်းသိမ်းရေးကော်မရှင်၏ ဦးဆောင်မှုဖြင့် အမျိုးသား ကျွမ်းကျင်ပညာရှင်များ ပါဝင်သည့်အဖွဲ့က (Asia Development Bank) နှင့်(Global Environment Facility)တို့၏ ထောက်ပံ့မှုအရ လေ့လာ ဆောင်ရွက်ခဲ့ပြီး ၁၉၉၈ ခုနှစ်၊ အောက်တိုဘာလတွင် ၎င်းင်းတို့ထုတ်ပြန်သော အစီရင်ခံစာအရ မြန်မာနိုင်ငံ၏ ဖန်လုံအိမ် ဓာတ်ငွေ့ အသားတင်ထုတ်လွှတ်မှုပမာဏပေါင်း ၄၁.၅ မီဂါတန်ရှိကြောင်း၊ သစ်တောကဏ္ဍတွင် ကာဗွန်ဒိုင် အောက်ဆိုဒ် ထုတ်လုပ်မှုပမာဏပေါင်း ၆၃.၆ မီဂါတန်နှင့် စုတ်ယူနိုင်မှုပမာဏပေါင်း ၇၃ မီဂါတန်ရှိကြောင်း မှတ်တမ်းများအရ သိရသည်။ သို့ရာတွင် နိုင်ငံတော်ဖွံ့ဖြိုးတိုးတက်လာသည်နှင့်အမျှ စက်ရုံ၊ အလုပ်ရုံများ ပိုမိုများလာမည်ဖြစ်သကဲ့သို့ လူနေမှုအဆင့်အတန်း မြင့်မားလာသည်နှင့်အမျှ စွမ်းအင်းအသုံးပြုသော ပစ္စည်းများ များပြားလာမည်ဖြစ်သောကြောင့် ဖန်လုံအိမ်ဓာတ်ငွေ့ထုတ်လုပ်မှု ပိုမိုလာမည်ဖြစ်သည်။ ဒီဇင်ဘာ (၁၈) ရက်နေ့တွင် ကျင်းပပြုလုပ်ခဲ့သော ပတ်ဝန်းကျင် ထိန်းသိမ်းရေး အမျိုးသားကော်မရှင်အစည်းအဝေးမှ ပြောကြားချက်များအရ မြန်မာနိုင်ငံ၏ ဖန်လုံအိမ်ဓာတ်ငွေ့ ထုတ်လွှတ်မှုပမာဏကို သိရှိနိုင်ရန် ကွင်းဆင်းလေ့လာမှုများ ပြုလုပ်လျက်ရှိကြောင်း သိရသည်။ အဆိုပါလုပ်ငန်းများ အတွက် ကုလသမဂ္ဂဖွံ့ဖြိုးမှု အစီအစဉ် (UNDP) - United Nations Development Programme) ၏ ကမ္ဘာလုံးဆိုင်ရာ သဘာဝပတ်ဝန်းကျင် ငွေကြေးကူညီပံ့ပိုးမှုက မြန်မာနိုင်ငံသို့ ကန်ဒေါ်လာ (၄) သိန်းပေးရန် စီစဉ်ထားကြောင်း လည်းသိရသည်။ အထက်ပါ ဖန်လုံအိမ်ဓာတ်ငွေ့ထုတ်လွှတ်မှုပမာဏ တိုင်းတာခြင်း စီမံကိန်းကို ၂၀၀၈ ခုနှစ်၊ ဇန်န၀ါရီလမှစတင်ပြီး ၂၀၁၀ ခုနှစ်၊ ဒီဇင်ဘာလတွင် ပြီးဆုံးမည်ဖြစ်သည်။
        ဖန်လုံအိမ်ဓာတ်ငွေ့ထုတ်လွှတ်မှု လျော့ချခြင်း၊ စွမ်းအင်ချွေတာခြင်း၊ ရုပ်ကြွင်းလောင်စာများအစား ပြန်ပြည့်မြဲစွမ်းအင်များ အသုံးပြုခြင်း၊ နေစွမ်းအင်၊ လေစွမ်းအင် အသုံးချမှု ပိုမိုကျယ်ပြန့်ရန် သုတေသနလုပ်ငန်းများ တိုးချဲ့ဆောင်ရွက်ခြင်း၊ စက်ရုံများမှစွန့်ပစ်ပစ္စည်းများအား သန့်စင်ပြီး စွန့်ပစ်ရန်စနစ်တကျ စီစစ်ဆောင်ရွက်ခြင်း၊ သစ်တော၊ စိုက်ခင်း၊ ဒီရေတောစိုက်ခင်းများ တည်ထောင်ခြင်း၊ စိုက်ပျိုးရေး၊ မွေးမြူရေးလုပ်ငန်းများမှ ရေသြဇာ၊ မြေသြဇာ ဆုံးရှုံး လာမှုနည်းပါးရေး နည်းပညာများအသုံးပြု၍ လုပ်ကိုင်နိုင်ရန် အသိပညာပေး အကောင်အထည်ဖော် ဆောင်ရွက်ခြင်း လုပ်ငန်းများကို စီမံကိန်းများချမှတ်၍ ကျယ်ကျယ်ပြန့်ပြန့် အကောင်အထည်ဖော် ဆောင်ရွက်သင့်သည်။
        မြန်မာတနိုင်ငံလုံး၏ ၅၁ ရာခိုင်နှုန်းကျော်သည် သစ်တောများဖုံးလွှမ်းနေသော်လည်း၊ ရေရှည်တည်တံ့ ရန် စနစ်တကျ မထိန်းသိမ်းလျင် ပျက်စီးဆုံးရှုံးမည်ဖြစ်ရာ နိုင်ငံတော်အစိုးရအနေဖြင့် ကြိုးဝိုင်းတော၊ ကြိုးပြင်ကာကွယ် တောများ ထိန်းသိမ်းခြင်း၊ သဘာဝနယ်မြေဧရိယာများ သတ်မှတ်ပေးခြင်း၊ စီးပွားရေးစိုက်ခင်း၊ ကျေးရွာသုံးစိုက်ခင်းများ ပြုလုပ်၍ သစ်တောကဏ္ဍဖွံ့ဖြိုးတိုးတက်အောင် ဆောင်ရွက်လျက်ရှိသည်။ ကချင်ပြည်နယ်၊ မိုးညှင်းမြို့နယ်တွင် အင်းတော်ကြီးကန် စိမ်းလန်းစိုပြေရေး၊ မွန်ပြည်နယ်၊ ကျိုက်ထိုမြို့နယ်တွင် ကျိုက်ထီးရိုး တောရိုင်းတရိစ္ဆာန် ဘေးမဲ့တောနှင့် ဘီးလင်းမြို့နယ်တွင် ကေလာသ တောရိုင်းတရိစ္ဆာန်ဘေးမဲ့တောများ၊ စစ်ကိုင်းတိုင်းတွင် မင်းဝံတောင်စိမ်းလန်းစိုပြေရေး မန္တလေးတိုင်း၊ ပုပ္ပါးတောင်တ၀ိုက်နှင့် မြန်မာနိုင်ငံအလယ်ပိုင်း အထူးဒေသ စိမ်းလန်းစိုပြေရေး၊ ဧရာဝတီတိုင်းတွင် မြစ်ချောင်းများ တည်တံ့ရေးနှင့် ရေသယံဇာတများ တည်တံ့တိုးပွားရေးအတွက် ဒီရေတော ထိန်းသိမ်းစောင့်ရှောက်ရေး လုပ်ငန်းများအပြင် တခြားသော သဘာဝပတ်ဝန်းကျင် ထိန်းသိမ်းရေးနယ်မြေများကို နိုင်ငံတ၀န်းလုံးတွင် အကောင် အထည် ဖော်ဆောင်ရွက်လျက်ရှိသည်။
        သို့ရာတွင် ကျေးလက်နေ ပြည်သူများသည် အဓိကအားဖြင့် စားဝတ်နေရေး အပါအ၀င် အခြားသော လိုအပ်ချက်များအရ တောင်ယာများခုတ်ထွင်ခြင်း၊ လယ်ယာမြေများ ချဲ့ထွင်ရန်၊ ထင်းမီးသွေး ပြုလုပ်ရန် သစ်တောများ၊ ဒီရေတောများခုတ်ထွင်ခြင်း၊ မြေဆီသြဇာ ခန်းခြောက်သောလယ်ယာမြေများကို စွန့်ခွာ၍ လယ်ယာမြေသစ်များ ချဲ့ထွင်ရန် သစ်ပင်များခုတ်ထွင်ခြင်း၊ စိုက်ပျိုးရေး၊ မွေးမြူရေးလုပ်ငန်းများတွင်လည်း မြေသြဇာ၊ ရေသြဇာ ပြန်လည် ဖြည့်တင်းနိုင်သည့် နည်းပညာများ ကျယ်ပြန့်စွာ အသုံးပြုနိုင်မှုနည်းပါးခြင်းစသော သဘာဝပတ်ဝန်းကျင်ကို ထိခိုက်စေနိုင်သည့် လုပ်ငန်းများကို လုပ်ကိုင်နေကြဆဲဖြစ်သည်။ အထက်ပါကိစ္စရပ်များသည် ကျေးလက်နေ ပြည်သူများ၏ ပတ်ဝန်းကျင်ထိန်းသိမ်းရေးဆိုင်ရာ အသိပညာဗဟုသုတ နည်းပါး၍သော်လည်းကောင်း၊ နားလည် သိရှိသူ အနည်းစုမှာလည်း အကြောင်းအမျိုးမျိုးကြောင့် အလေးမထားနိုင်ပဲ မိသားစုဆိုင်ရာ အရေးပေါ်၊ အရေးကြီး ကိစ္စများသာ ဦးစားပေးနေရခြင်းကြောင့် ဖြစ်နိုင်ပေသည်။
        သဘာဝပတ်ဝန်းကျင်ဆိုင်ရာ ကာကွယ်ထိန်းသိမ်းမှုများကို ကျယ်ပြန့်စွာ သိရှိနိုင်ရေးအတွက် နိုင်ငံတော် အစိုးရနှင့် ပတ်ဝန်းကျင်ထိန်းသိမ်းရေး NGO, INGO များမှ ပညာပေးဆွေးနွေးဆောင်ရွက်ရာတွင် စက်ရုံ၊ အလုပ်ရုံ များကို လျင်မြန်စွာထိရောက်နိုင်သော်လည်း ကျေးလက်ဒေသသို့ ထိရောက်မှုမှာ အတိုင်းအတာတခုထိ နှေးကွေးမည် ဖြစ်သည်။ အဘယ်ကြောင့်ဆိုသော် စက်ရုံ၊ အလုပ်ရုံများသည် နည်းပညာကို အခြေခံ၍ တည်ထောင်ထားသော လုပ်ငန်းများဖြစ်ပြီး အခြေခံအသိပညာ ဗဟုသုတ (Basic Knowledge) ရှိပြီးဖြစ်သည်။ ကျေးလက်နေပြည်သူများ တစ်ပိုင်တစ်နိုင် စိုက်ပျိုး၊ မွေးမြူရေးလုပ်ငန်းများ လုပ်ကိုင်နေကြသူအများစုမှာ သဘာဝပတ်ဝန်းကျင် ထိန်းသိမ်းရေး ဆိုင်ရာ အသိရှိသူမှာ ရာခိုင်နှုန်းနည်းပါးလှသည်။
        သို့ဖြစ်ပါ၍ နိုင်ငံတော်အစိုးရနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ NGO , INGO  ၏ အသိပညာပေးလုပ်ငန်းများ၊ လက်တွေ့အကောင်အထည်ဖော် ဆောင်ရွက်မှုများ ဆထက်တပိုး တိုက်တက်အရှိန် အဟုန်မြင့် ဆောင်ရွက်နိုင်ပါစေကြောင်း၊ အခြားသော ကဏ္ဍအသီးသီးမှလည်း ပါဝင်ဆောင်ရွက်မှု မြင့်မားပါစေကြောင်း ဆန္ဒပြုပါသည်။ နိုင်ငံတော်အစိုးရနှင့်NGO, INGO များသာမက ကျွန်တော်တို့ မြန်မာနိုင်ငံမှ သန်း ၆၀ ကျော်သော ပြည်သူများအပါအ၀င် လူ့ဘောင်အဖွဲ့အစည်းမှ လူသားများအားလုံး သက်ဆိုင်ရာကဏ္ဍအလိုက် မိမိတို့နေထိုင် အသက်ရှင်ရာ သဘာဝပတ်ဝန်းကျင်ကို ဂရုပြုထိန်းသိမ်းစောင့်ရှောက်၍ အနာဂတ်မျိုးဆက်သစ်များဆီသို့ ငြိမ်းချမ်းသော ကမ္ဘာမြေကို လက်ဆင့်ကမ်းယူဆောင်သွားရန် ဆန္ဒများစွာဖြင့် ရေးသားတင်ပြလိုက်ပါသည်။



                                                                                                                                           By AKK (MS)

ရာသီဥတုပြောင်းလဲမှု နောက်ကွယ်မှ ကာဗွန်ဒိုင်အောက်ဆိုဒ်ဓါတ်ငွေ့ နှင့်သစ်တောပြုန်းတီးမှု
(The CO2 Gas , Deforestation Effect behind the Climate Change)

                       ယနေ့ကျွန်ုပ်တို့ ရှင်သန်နေထိုင်သော ကမ္ဘာကြီး၏အပူချိန်မှာ ၂၀ရာစုအလယ်ပိုင်းကာလမှ စတင်၍ သမုဒ္ဒရာ၊ လေထုနှင့် ကမ္ဘာ့မြေမျက်နှာပြင်အပူချိန်များပြောင်းလဲလာခြင်းဖြင့် နှစ်စဉ်နှင့်အမျှ တိုးတက်မြင့်မား လာနေသည်။ လွန်ခဲ့သော နှစ်ပေါင်းများစွာသော ကျောက်ခောတ်၊ ကြေးခောတ်မှသည် ယနေ့နည်းပညာခောတ်အထိ လူသားတို့မှာ မရပ်နားသော စက်မှုသိပံတီထွင်ဆန်းသစ်မှုများဖြင့် ခရီးနှင်လာခဲ့ကြရာ ကောင်းကျိုးများစွာ ခံစားကြရသလို ဘေးထွက် ဆိုးကျိုးများစွာကိုလည်း ကြုံတွေ့နေကြရသည်။ စက်မှုလုပ်ငန်းများ တိုးတက် များပြားလာသည်နှင့်အမျှ ရေနံ၊ ကျောက်မီးသွေးစသော ရုပ်ကြွင်းလောင်စာ (Fossil Fuel) များ ပိုမိုလောင်ကျွမ်းခြင်းဖြင့် ကာဗွန်ဒိုင်အောက်ဆိုဒ် (CO2)ဓါတ်ငွေ့ထုတ်လွှတ်မှု ပိုမိုမြင့်မားလာခဲ့သည်။ စက်မှု၊ သိပံ္ပတီထွင်ဆန်းသစ်မှုများနှင့်အတူ လူသားများအပါအ၀င် သတ္တ၀ါ များရှင်သန်နေထိုင်ရာ ကမ္ဘာကြီး၏ဂေဟစနစ် (Ecosystem) တဖြည်းဖြည်း ယိုယွင်းလာနေသည်။ ၄င်းဖြစ်ရပ်များအတွက် အဓိကတာဝန်ရှိသူများမှာ ကျွန်ုပ်တို့လူသားများပင်ဖြစ်သည်။
                             
                   ၁၉ရာစုနှစ်အတွင်း ကမ္ဘာလေထုထဲရှိ ကာဗွန်ဒိုင်အောက်ဆိုဒ် (CO2) ဓါတ်ငွေ့ပမာဏာသည် ၂၉၀ PPM ရာခိုင်နှုန်းအားဖြင့် ၀.၀၂၉% အမြင့်ဆုံးရှိနေခဲ့သောလည်း ၂၀ရာစု အလယ်ပိုင်း ၁၉၅၀ခုနှစ်တွင် ၃၂၀ PPM (၀.၀၃၂%)ရှိခဲ့ပြီး၂၀၀၀ပြည့်နှစ်တွင် ၃၆၀ PPM (၀.၀၃၆%)အထိမြင့်တက်လာခဲ့သည်။ လေထုအတွင်းရှိ ကာဗွန်ဒိုင်အောက်ဆိုဒ် (CO2) ဓါတ်ငွေ့များ၏ သက်ရောက်မှုကြောင့် ၁၉၆၀ခုနှစ်မှ ၂၀၀၀ပြည့်နှစ်အတွင်း အပူချိန် ၀.၅°ဃ အထိမြင့် တက်လာသည်။ဆက်လက်၍ ကာဗွန်ဒိုင်အောက်ဆိုဒ် (CO2) ဓါတ်ငွေ့ထုတ်လွှတ်မှု လျော့ချနိုင်ခြင်း မရှိလျှင် လာမည့်ရာစုနှစ်များအတွင်း အပူချိန် ၂° C မှ ၃°C အထိ မြင့်တက်လာနိုင်မည်ဖြစ်ရာ ကမ္ဘာမြေကြီးအတွက် ကြီးမားသော ပြသနာတရပ်ဖြစ်သည်။

                         လက်ရှိအချိန်တွင် အမေရိကန်၊တရုတ်၊ ဥရောပသမဂ္ဂအဖွဲ့ဝင်နိုင်ငံများ နှင့် သြစတြေးလျ၊ ဂျပန်၊ ဘရာဇီး၊  အန္ဒိယနိုင်ငံစသည့် များသည် ကာဗွန်ဒိုင်အောက်ဆိုဒ် (CO2) ဓါတ်ငွေ့ထုတ်လွှတ်မှုအများဆုံး နိုင်ငံများဖြစ်သည်။ ဖွံ့ဖြိုးပြီးစက်မှု နိုင်ငံများမှ ကာဗွန်ဒိုင်အောက်ဆိုဒ် (CO2) ဓါတ်ငွေ့ထုတ်လွှတ်မှု များပြားသကဲ့သို့ မက္ကဆီကို၊ ဘရာဇီး၊ အိန္ဒယ စသော စက်မှုအသွင်ကူးပြောင်းဆဲနိုင်ငံများမှလည်း ကာဗွန်ဒိုင်အောက်ဆိုဒ် (CO2) ဓါတ်ငွေ့ထုတ်လွှတ်မှုအတိုင်းအတာ မြင့်တက်လာနေသည်။ ကမ္ဘာကြီးကို ပျက်စီးစေနိုင်သော အခြေခံအကြောင်းရင်းများတွင် ဖွံ့ဖြိုးပြီးစက်မှုနိုင်ငံများမှ အဓိကတာဝန်ရှိသလို ဖွံ့ဖြိုးဆဲနိုင်ငံများနှင့် လည်း သက်ဆိုင်နေသည်။

                                မြန်မာနိုင်ငံအနေဖြင့် စက်မှုလုပ်ငန်းများမှ ဖန်လုံအိမ်ဓါတ်ငွေ့ (Green House Gas) ထုတ်လွှတ်မှုပမာဏ နည်းပါးသော်လည်း သစ်တောပြုန်းတီးမှု (Deforestation) တွင် ဘရာဇီး၊ အင်ဒိုနီးရှား၊ ဖီလစ်ပိုင်နိုင်ငံများ                   နောက်ကမ္ဘာ့အဆင့် စတုတ္ထနေရာဖြင့်ရပ်တည်နေကြောင်း သိရသည်။ မြန်မာနိုင်ငံ၏ ဖန်လုံအိမ်ဓါတ်ငွေ့ (Green House Gas) ထုတ်လွှတ်မှု ရင်းမြစ်များ၏ ၅၈ရာခိုင်နှုန်းခန့်သည် မြေယာအသုံးချခြင်း၊ အိမ်ယာဖော်ထုတ်ခြင်းနှင့် သစ်တောပြုန်းတီးမှု တို့ကြောင့် ဖြစ်သည်ဟု သဘာဝပတ်ဝန်းကျင် ထိမ်းသိမ်းရေးသုတေသီတစ်ဦးက အခြေခံအချက်အလက်များဖြင့် ရှင်းပြထားသည်။ မြန်မာနိုင်ငံသည် သစ်တော၊ သစ်ပင် သဘာဝအရင်းအမြစ်များ ပေါကြွယ်ဝသည့် နိုင်ငံတစ်နိုင်ငံဖြစ်သော်လည်း လိုအပ်ချက် အမျိုးမျိုးကြောင့် သစ်တောများခုတ်ထွင်ခဲ့ကြရာ လက်ရှိအချိန်တွင် သစ်တောပြုန်းတီးမှု (Deforestation) မြင့်မားလာသလို ကာဗွန်ဒိုင်အောက်ဆိုဒ် (CO2) ဓါတ်ငွေ့ထုတ်လွှတ်မှု မြင့်မားသည့် တရုတ်၊ အန္ဒိယနိုင်ငံများနှင့် နီးကပ်စွာ တည်ရှိနေသောကြောင့် နောက်ဆက်တွဲပြသနာများအဖြစ် ရာသီဥတုဖောက်ပြန်မှုဒဏ်ကို လွန်ခဲ့သောနှစ် များအတွင်း ခံစားခဲ့ကြရသည်။ ၂၀၀၉ခုနှစ် ဒီဇင်ဘာလတွင် ဂျာမာန်ရာသီဥတု စောင့်ကြည့်ရေးအဖွဲ့တစ်ခုမှ ထုတ်ပြန် သော အစီရင်ခံစာအရ ၁၉၉၁ခုနှစ်မှ ၂၀၀၈ခုနှစ် (၁၈) နှစ်တာကာလအတွင်း ရာသီဥတုဖောက်ပြန်မှု အဆိုးရွားဆုံးနိုင်ငံ များတွင် ဘင်္ဂလားဒေရှ်၊ ဟွန်ဒူးရပ်နိုင်ငံများနှင့် အတူ မြန်မာနိုင်ငံပါဝင်လာခဲ့သည်။

    မြန်မာနိုင်ငံ၏သစ်တောမြေဧကပေါင်း ၈၄.၉၅သန်းကျော်၊ ဒီရေတောဧရိယာဧက တစ်သန်းကျော်နှင့် တွင်းထွက်၊ကျောက်မျက်၊ ရေထွက်ကုန်ပစ္စည်းများစသော မြေပေါ်၊ မြေအောက်၊ ရေပေါ်၊ ရေအောက်၊ သက်ရှိ၊ သက်မဲ့၊ သဘာဝသယံဇာတများသည် လူသားတို့၏စားဝတ်နေရေးအတွက် လည်းကောင်း၊ စက်ရုံ၊ အလုပ်ရုံများအတွက် ကုန်ကြမ်းများအဖြစ်လည်းကောင်း၊ နိုင်ငံခြားဝင်ငွေရရှိရေးအတွက်လည်းကောင်းများစွာ အထောက်အကူပြုနေသည်။ နိုင်ငံတစ်ဝှမ်းလူဦးရေတိုးပွားလာသည်နှင့်အမျှ အဆောက်အဦးများ၊ စိုက်ပျိုးမြေများ၊ စက်ရုံ၊ အလုပ်ရုံများ၊ လမ်းတံတား များ တိုးတက်များပြားလာခဲ့သည်။ ၄င်းလိုအပ်ချက်များအရ သဘာဝသယံဇာတများအသုံးချမှု၊ သစ်တောခုတ်ထွင်မှု များပိုမိုများပြားလာခဲ့သည်။ ကျေးလက်ဒေသများတွင် ခြံစည်းရိုးကာရန်၊ ငါးဖမ်းရာတွင် အသုံးပြုရန်၊ ပျော့ဖတ်ပြုလုပ်ရန်၊ ထင်းမီးသွေးလောင်စာအဖြစ် အသုံးပြုရန်၊ စိုက်ပျိုးမြေများ၊ မွေးမြူရေးကန်များအဖြစ် အသုံးပြုရန်စသော အကြောင်း ကြောင်းအမျိုးမျိုးကြောင့် ဒီရေတောများကို ခုတ်ထွင်နေကြသည်။ ထို့အပြင် ကျွန်းသစ်စိုက်ခင်း၊ ရာဘာစိုက်ခင်း၊ ဆီအုန်း စိုက်ခင်းအစရှိသော နိုင်ငံခြားဝင်ငွေရရှိစေနိုင်သော စိုက်ခင်းများ၊ စားနပ်ရိကာဖူလုံရေး စိုက်ခင်းများပြု လုပ်ရန်အတွက်  သဘာဝသစ်တောများကို ခုတ်ထွင်ခြင်းသည်လည်း သဘာဝပတ်ဝန်းကျင်ကို ထိခိုက်ပျက်စီးစေနိုင်သည်။ သစ်ပင် ခုတ်ထွင်မှုများပြားခြင်းကြောင့် သစ်တောပြုန်းတီးလာသောအခါ ဂေဟစနစ် (Ecosystem) များတဖြည်းဖြည်းယိုယွင်း လာကာ သဘာဝပတ်ဝန်းကျင်ကို ထိခိုက်၍ ရာသီဥတုများဖောက်ပြန်လာခြင်းဖြစ်သည်။

    သို့ဖြစ်ပါ၍  သဘာဝသစ်တောသယံဇာတ အလှအပများကို စနစ်တကျထိမ်းသိမ်းစောင့်ရှောက်ကာ ကမ္ဘာလှည့် ခရီးသွားများကို ပိုမိုဆွဲဆောင်ခြင်းဖြင့် နိုင်ငံခြားဝင်ငွေတိုးပွားစေနိုင်သည်။ မီးခိုးမထွက်သော သဘာဝအခြေခံ ခရီးသွားလုပ်ငန်း (Ecotoursim) များကို ပိုမိုတိုးချဲ့ဆောင်ရွက်သင့်ပေသည်။ သဘာဝမှရရှိထားသော သယံဇာတများမှာ အတိုင်းအတာအကန့်အသတ်ရှိနေသည်။ သို့ရာတွင် ပြန်လည်ရရှိနိုင်သော အရင်းအမြစ်များ (Renewable Racecourses) လည်းရှိရာ ရေရှည်အကျိုးကိုကြည့်၍ (၀ါ) အနာဂတ်ကမ္ဘာ ကို ရှေးရှု၍ တတ်စွမ်းနိုင်သမျှထိမ်းသိမ်းစောင့်ရှောက်၊ ပြန်လည်ဖြည့် တင်းစိုက်ပျိုးသွားကြရန် ယနေ့ကမ္ဘာတွင် ရှင်သန်နေထိုင်ကြသော လူသားတိုင်း ကိုယ်စီကိုယ်ငှတာဝန် ယူကြရမည် ဖြစ်ကြောင်း ဆန္ဒပြုရေးသားလိုက်ပါသည်။


                                                                                 By  AKK (M.S)